今日放工番屋企既時候,腦裡面亂諗左好多野,令到自己好唔開心,一番到屋企即刻走左入

房,間唔中個腦就會諗d好無謂既野,當真系發生左,我會控制得到嗎??當然,我唔想呢d事情

發生.有時好憎自己,做咩要亂諗d事情令自己唔開心呢?!系因為咩呢??因為唔夠信心??

唉,,我唔知呀......

下個月要開始番學啦,希望我今次讀得比上次個課程好啦~加油......

希望你有時間會黎接我放學呀,期待......

最近四川大地震,死左好多好多人,睇到電視新聞有D生還既人抱著自己死去既仔女同親人痛哭,

真系睇到都心酸.心裡頭系度諗,自己生活系香港呢個地方系好幸運既一件事,以後要學識"知足".

尋晚好無聊咁問左我媽媽一個問題,如果我要去四川幫手,妳會唔會俾我去?媽媽話,妳要去我都冇

法架.跟住就問家姐,家姐話都會,但佢仲話我知,唔系咁容易俾你去,你識得D咩呀?俾你去到又點呢?

你都系冇辦法幫到.跟住我諗,咁又系,何況自己知自己事啦.不過我都算出左小小力,尋日放工番到去

見到有果D議員系車站度搞捐款活動,咁我就捐左小小錢,只系小小既心意同幫助,我番到屋企,就同爸

爸媽媽講我頭先捐左錢,之後爸爸都有落左去捐錢,媽媽因為佢煮緊飯所以未得閒落去.媽媽話得閒

自己落去捐.其實我都好想去捐血,但系呢......我好怕痛同埋好怕打針之類既野~所以考慮中......

希望救災人員努力,我地會精神上支持你地,亦都希望你地能夠快D救出生還者.辛苦您地了..

新聞報導人員亦都希望你地小心.

最後,,溫家寶總理 YOU ARE VERY NICE.

希望四川盡快回復面貌,給生還者盡快有番個家.亦希望生還者堅強生活下去.

望著你講　也許更易　濃於水的三個字
從我降世　一開始　到永遠　不休止
你亦是我支柱　動力和意義

You make me cry make me smile
Make me feel the love is true
謝謝你的關顧　與及無償的愛護
年月漫漫　多艱苦　你也永遠優先擔心我喜惡
唯恐我並未得到　最貼身保護 Oh I love you!

但是我知　你都有夢　仍將一生給我用
全個世界　幾多種　愛與愛　在互動
也未及這種愛　能完全獻奉

Yes I do I always do

Make me cry make me smile,
Make me feel the love is true
謝謝你的看顧　與歷年來的愛護
年月漫漫　多艱苦　我再重也不肯拋低我不顧
從不會立下私心　怕會給辜負 Oh I love you!
Yes I love you, I always to...

(以上呢首歌系我既心聲,送呢首歌俾妳呀,媽媽.)

~母親節快樂~

媽媽謝謝妳既照顧同埋愛錫等等......

辛苦妳啦~

今日心情真系好差好差,唔知點解自己無啦啦又諗左好多好多既野,唔開心我只會識得喊,

咩都唔會講出黎,我好想講出黎,但可以同邊個講呢??人越大系咪一定越多煩惱呢?做人真

系唔易做,真系寧願從來冇黎過呢個世界,人要處理既野實在太多啦~真系好煩.

有時我都好想番番去做小朋友同埋BB果時,無優無慮,幾好呀~但系冇可能架啦,

人會慢慢成長,腦裡面諗既野亦都會有變化,有時我會覺得有D野系上天幫你安排好,

決定要俾你行呢條路,決定要俾呢件事情發生,所以有時有D野唔使太過執著,

跌倒過咪起番身羅,起身呢個動作好易者,你一定得架WOR,唔好再埋怨自己,俾心機.

人系會隨著年紀同埋經歷而會令到思想改變架.

其實我想知道"情侶介指"系隻方面帶呀定系單方面帶既呢??不過以我既睇法就系隻方既,如果唔系咁點解會叫"情侶介指"呢?!如果冇信心可以keep住帶,做咩果時又會buy呢?因為哄我開心?!還是咩原因呢?岩岩開始buy左就會帶一排,之後好小見你會帶,你話我知你趕時間唔記得左,一次半次就信你系者,之後每次見你都冇帶,其實我有d失望,同埋唔開心,我又唔想問你,因為你每次既答案都系一樣唔會變.可能我太過執著啦,所以會咁著重呢樣野.依家我覺得冇意思啦.唉......不要勉強自己..